Osmanlı Berat

OSMANLI DÖNEMİ NİKEL DONANMA MADALYASI BERATI. BERATIN AÇIKLAMASI : Tuğra: Sultan Mehmed Reşad
Nişân-ı şerîf-i âlîşân-ı sâmî-mekân-ı sultânî ve tuğrâ-yı garrâ-yı cihân-sitân-ı hâkānî nüffide bi’l-‘avni’r-rabbânî
hükmü oldur ki Şevket ve satvet-i Osmaniye’nin muhafaza ve iʽlâsı zımnında kuvve-i bahriyemizi
ihtiyacımızla mütenâsib bir derece-i kemâle isâl maksad-ı âlülâliyle teşekkül etmiş
olan Donanma-yı Osmânî Muʽâvenet-i Milliye Cemʽiyetine zükûr ve inâsdan iʽânât
mâliye teberruʽât-ı sâire hidemât-ı fevkaladeleri meşhûd olanları takdiren derecât-ı
mehtelifede bir madalya ihdâs edilmiş Jandarma Dairesi ikinci sınıf ketebesinden
Feridun Efendi Mecidi on dokuz guruş hesabıyla bin elli iki guruş iʽâne iʽtâsı suretiyle
ibrâz-ı me’ser-i hamiyet ederek mezkûr madalyanın nikel nevʽine nizâmnâme-i
mahsûsu mucibince kesb-i istihkâk eylemiş olduğuna binâen bi’l-istizân şeref-sudûr
eden irade-i seniyye-i şehriyârânem mantûk-ı münif-i vecihle mûmâ ileyhe zikr olunan
madalyanın nikel nevinden bir kıtʽası iʽtâ ve ihsân kılınmış olduğunu mutazammın işbu berât-ı âlişânım ısdâr ve iʽtâ kılındı Hurrire fi’l-yevmi’s-sadis ve’l ışrîn min Şehr-i Şaʽbanu’l-Muazzam Li sene isna selâsune ve selâse mie ve elf (1332) be makam-ı konstantiniyye el mahruse-i mahmiyye ÇERÇEVE 71/43 CM DİR.